ياسبحان الله شوف الفرق الشاااااااااااااسع !!!!!!!!!!!!!!

المساهمات : 165 تاريخ التسجيل : 09/12/2007

حاجة غريبة فعلا مقارنة بين اتنين لكن فرق شاسع بين الاتنين

تعالو اتفرجو عليهم واحده اسمها دينا والتانية اسمها حلاوتهم

نبتديب ب دينااااااااااااااا

دينا
تقوم الصبح علي صوت زقزقت العصافير من علي الشجرة اللي قصاد الشباك
تفتح الشباك وتبص علي الجنينة اللي تحت البيت وهي بتشم ريحة الورود والطبيعة النقيه
تاخد الفوطة من الدولاب وتروح تغسل وشها مع انغام الموسيقي الهادية وتغسل سننها بالفرشه
تنزل من الدور الاولاني لتحت عند ماما في المطبخ اللي بتكون صاحيه قبليها بنص ساعه عشان تحضر لها الفطار وتقولها جود مورننيج مامي تقولها جود مورننيج سويتي ها يا حبيبتي لبستي هدومك تقولها بكل رقه ايوة ياماما وتكون محضرة ليها فطار جامد كيك بقي بيض مسلوق ومربي وعيش توست وحركات كده
تفطر دينا وتاخد حجتها عشان تروح الكلية وتوقف تاكسي بكل رقه وتروح الجامعه لو شوفتو شكلها وهي نازلة الصبح ممكن تعيطو من كتر الرقه ياسلااااااااااااام مفيش ارق من كده تدخل الكلية وتسلم علي صحبها الانتيم هاي وفاي وشغل البنات الرقيق دا
تقعد في المحاضرة وكلها انتباه من اول ودنها لحد عنينها مع الدكتور وتفهم كل حاجة
تخلص الكلية وتروح تخش من البيت تبوس ماما وتقولها هاي مامي عاملة ايه
تقولها فاين ياحبيبتي
تتغدي وتنام شوية وتصحي تتفرج علي اي مسلسل اجنبي رومانسي
وهي مريحه علي الكرسي الهزاز وتذاكرشوية وتنام

حلاوتهم

تقوم الصبح علي صوت مكنه الطعمية اللي تحت شبكهم وهي شغاله المكنه عمال تتطحن في الحاجة ديب ديب ديب ديب ديب تصحي حلاوتهم وهي شعرها منعكش وكل خصلة رايحه في حته واكيد يعني بتهرش في رسها وعينينها بيطق منها الغباء ومع الايقاع بتاع الدبة في المكنه تقوم ترزع دمغها في الحيطه ال يعني ماشي مع اللحن بتاع المكنه
تفتح الشباك وتشم ريحه المجاري والطعميه في الزيت تخيلو بقي المنظر
تاخد اي تشيرت من الارض مرمي في الاووضه بتاعتهم وتخش الحمام ال يعني عاملة التيشيرت فوطه وتفتح الحنفيه تلاقي الميه مقطوعة وبصوت جمهوري انتو ياعالم ياولاد(............) اقفلو الحنفايات عايزين نغسل وشنا
وتروح فركا سننها بايديها علي اعتبار ان صبعها فرشه سنان
طبعا الانسه جعانة تروح علي اوضه مامتها اللي هي اصلا مطبقه بقلها اسبوع منمتش وعيازة تصحيها وترزع باب الاوضه وتقولها اما انا جعانه ياما
طبعا امها ولاتعبرها عشان هي اصلا مش سمعها وتسلم حلاوتهم للامر الواقع وتروح تلبس هدومها تضرب اي بلوزة علي اي بنلطون احتمال اصلا يكون بنطلون رجالي بس مفيش مشكلة
نخش علي مرحلة التزيين طبعا حلاوتهم نسيت تشتري الميك اب بتاعها من عند عم سيد البقال راحت ظرفها نفسها اربع اقلام علي وشها عشان وشها يحمر ال يعني حطه ميك اب
وهي نازلة الجامعه يبقي نفسك تقول عليها ياارض ابلعي ما عليكي
تتشعبط في اي اتوبيس لحد الجامعه وتنزل
تخش علي صحبها الانتيخ ايه يابت يانحمده ازيك وازي امك
في المحاضرة طبعا مكان النميمه الاول ليهم
وطبعا الكلمه المعتاده من الدكتور حلاوتهم براااااااااااااااااا
تروح الاخت علي متش غسيل ومواعين واوعي
وشويه ردح مع الجيران كده
مش بتلحق تنام
تروح تتفرج لها علي كام فيلم عربي قديم كده من بتوع كتكوت الناجي اسم الله عليه اسم الله عليه وهي مريحه علي الحصيره
متعرفش حاجة هي اسمها مذاكرة طبعا
تضرب لها كام فحل بصل ووتخمد لتاني يوم